Эрдэнэ - Говь-Алтай

Эрдэнэ суманд ЗДТГ-ын байр ашиглалтад орлоо

batdorj — Thu, 26 Dec 2019 12:35:29 +0900

Говь-Алтай аймгийн Эрдэнэ суманд улсын төсвийн 970 сая төгрөгийн хөрөнгө оруулалтаар барьсан ЗДТГ-ын барилгыг ашиглалтад оруулж, энэ сарын 22-ны өдөр нээлтээ хийлээ.

Нээлтийн үйл ажиллагаанд УИХ-ын гишүүн Ш.Раднаасэд, тус аймгийн Засаг даргын орлогч Ж.Ганбат болон сум орон нутгийн удирдлагууд, төрийн албан хаагчид нутгийн зон олон оролцсон юм. Тамгын газрын байр ашиглалтад орсноор төрийн үйлчилгээг иргэдэд чирэгдэлгүй, түргэн шуурхай хүргэх, иргэд, аж ахуйн нэгж, байгууллагуудын алба хаагчдын аюулгүй, ая тухтай ажиллах нөхцөлийг бий болгож байна гэдгийг УИХ-ын гишүүн Ш.Раднаасэд онцлов. Тэрээр сумдын иргэдтэй биечлэн уулзаж санаа бодлыг нь сонсож бүтээн байгуулалтын ажилтай танилцлаа.

Э.Нарангэрэл

ХУРХИРДАГ ХҮМҮҮСИЙН ТАРХИНЫ ҮЙЛ АЖИЛЛАГАА МУУДДАГ

tonshuul — Tue, 13 Jun 2017 11:35:03 +0900

Эрдэмтэд унтах үедээ хурхирах нь хүний биед ноцтой исэлдлийн үйл явцыг өдөөж, эмгэг өөрчлөлтийг өдөөх хор хөнөөлтэй болохыг тогтоожээ. Хурхиралт нь хүчилтөрөгчийн дутагдалд оруулж, улмаар бүх амьд эсийн бүтцэд ордог липидийг устгахад хүргэдэг байна. Тиймээс хурхирдаг хүмүүс антиоксидантыг хэрэглэх шаардлагатайг нойрны эмгэг судлаач эмч нар баталжээ.

Хурхиралт нь амьсгалын зам нарийссанаас болж амьсгалын үйл ажиллагаа алдагдсаны шинж тэмдэг ажээ. Түүний уршгаар хүчилтөрөгч дутагдаж, өглөөгүүр цусны даралт ихсэн, толгой өвдөж, тархины үйл ажиллагаа мууддаг байна. Хурхиралтын өөр нэг багагүй аюултай үр дагаврыг Оросын ШУА-ийн Сибирийн салбарын эрдэмтэд нотолжээ.

Оросын ШУА-ийн гэр бүлийн эрүүл мэндийн асуудал, Эрхүүгийн нойрны эмгэг судлалын Эрдэм шинжилгээний төвийн мэргэжилтнүүд, хурхирч байгаа өвчтөний липидийн исэлдэлт маш эрчимтэй явагддаг тул тэдэнд антиоксидантуудыг хэрэглэх шаардлагатай болохыг олж тогтоожээ.

ЭЕШ:Баганан код гэж юу вэ?

tonshuul — Tue, 13 Jun 2017 11:12:47 +0900

С.САРУУЛ

ЭЕШ орон даяар маргааш эхэлнэ. /2017.06.13/ Тодруулбал, энэ сарын 14-ны 12:00 цагт Монгол хэл бичгийн шалгалтаар нэгэн зэрэг эхлэх юм. Тэгвэл элсэгчдэд Боловсролын үнэлгээний төвөөс баганан код гэж юу, хэрхэн ашиглах зөвлөгөөг хүргэж байна.

Элсэгч шалгалтын анги танхимд ороод хянагч багшаас голоороо салахад бэлэн болсон хос баганан код авна. Шалгалтын хугацаа дуусмагц уг хос баганан кодын нэгийг хариултын хуудасны "Баганан код наах хэсэг"-т, нөгөөг гэрээний хуудасны "Баганан код наах хэсэг"-т тус тус наагаарай. Энэ нь тусгай нууцлал бүхий баримт бөгөөд наахгүй орхих, бусадтай солих, гэмтээх зэргээс үүдэлтэй хохирлыг тухайн шалгуулагч хариуцдаг болохыг анхаараарай.