Чуулганаар 15 хууль, тогтоолын төсөл хэлэлцэнэ

Улаанбаатар /МОНЦАМЭ/. УИХ-ын чуулганы өнөөдрийн нэгдсэн хуралдаанаар 15 хууль, тогтоолын төсөл хэлэлцэхээр төлөвлөсөн байна.
Хэлэлцэх асуудлын эхэнд Төсвийн тухай хуульд нэмэлт оруулах тухай болон Улсын бүртгэлийн багц хуулийн төсөл багтжээ. Мөн “Төрийн өмчөөс аймаг, нийслэлийн өмчид эд хөрөнгө шилжүүлэх тухай” тогтоол, Орон нутгийн хамгаалалтын тухай, Дайчилгааны тухай, Боловсролын тухай хуульд нэмэлт, өөрчлөлт оруулах тухай хуулийн төслүүдийг хэлэлцэнэ.
Түүнчлэн Нийгмийн даатгалын тухай, Нийгмийн халамжийн тухай, Хүүхэд хамгааллын тухай болон Эрүүгийн хуульд өөрчлөлт оруулах тухай болон Зээлийн хүүгийн дээд хязгаар тогтоох болон мөнгө хүүлэлттэй тэмцэх тухай хуулийн төслийг хэлэлцэхээр товложээ.

Ч.Ариунболд
Эх сурвалж: Монцамэ агентлаг