Усан онгоцны ослын улмаас 209 хүн амиа алджээ

Танзанийн Инженер, тээвэр, харилцаа холбооны сайд Исак Камвелев тус улсын баруун хойд нутгийн Мванза мужид энэ сарын 22-нд хэвлэлийн хурал хийж, тус мужид болсон усан онгоцны ослын улмаас эндсэн хүний тоо нэмэгдээд 209 болсон бөгөөд цаашид ч нэмэгдэж болзошгүй байгаа талаар мэдээллээ.

Энэ осолтой холбогдуулан Танзанийн ерөнхийлөгч Жон Помб Магуфули улс даяар энэ сарын 21-ний өдрөөс эхлэн 4 хоногийн турш эмгэнэл илэрхийлнэ хэмээн мэдэгджээ. Тэрээр Үндэсний телевизээр хэлсэн үгэндээ “…эхний шалгалтаас үзэхэд, осол гарах үеэр хөлөг онгоц ачаалал ихтэй байсан бөгөөд энэ замбараагүй байдал ахмадын удирдлагаас гарсан” гэжээ. Тэрээр бүх талын шалгалт хийхийг шаарджээ.

Усан онгоц энэ сарын 20-ны үдээс хойш Мванза мужийн Виктория нууранд осолдсон юм. Тухайн үед усан онгоц нуурын хөвөөнд хүрэх үеэр осолдсон бөгөөд тэнд маш олон хүн, ачаа бараа тээвэрлэж явсан гэж болсон явдлыг харсан гэрч хэлжээ.