Азербайжан улс манайд дарс нийлүүлэхээр боллоо

Азербайжан улс манайд энэ оны эцэс, эсвэл ирэх жилийн эхнээс дарс нийлүүлэхээр төлөвлөж буй тухай trend.az цахим хуудсанд уламжлав. Энэ талаар Азербайжаны Экспорт, хөрөнгө оруулалтыг дэмжих сангийн орлогч захирал Юүсиф Абдуллаев “Монголд дарсны худалдааны төвүүд нээх болов уу.

Энэ нь борлуулалтаас хамаарах юм. Азербайжаны хувьд Монгол Улс бол шинэ зах зээл” хэмээн өгүүлжээ. Азербайжаны Экспорт, хөрөнгө оруулалтыг дэмжих сан (AZPROMO) нь тус улсын Сангийн яамнаас 2003 онд баталсан, төр, хувийн хэвшлийн хамтарсан санаачилга бөгөөд газрын тосны бус салбарын экспортыг дэмжин, гадаадын хөрөнгө оруулалт татах замаар эдийн засгийн хөгжилд хувь нэмрээ оруулах зорилготой аж.

Ц.Болормаа