📅

Хилийн цэргийн 0214-р ангид 12 мотоцикл олгов

🕔 2020/04/20 11:29

Говь-Алтай аймгийн Хил хамгаалах туслах хүчний 2020 оны төлөвлөгөөнд тусгагдсан хилийн харуулуудыг унаажуулах зорилтын хүрээнд Алтай сум дахь Монгол Улсын баатар Д.Гуулингийн нэрэмжит хилийн цэргийн 0214-р ангид 12 мотоцикл олголоо. Уг ажлыг орон нутгийн төсвийн 24 сая төгрөгийн хөрөнгө оруулалтаар санхүүжүүлсэн бөгөөд дөрөвдүгээр сарын 15-нд 0214 дүгээр ангийн захирагч, хурандаа Н.Батсайханд аймгийн ИТХ-ын дарга Л.Батжаргал, Засаг даргын үүрэг гүйцэтгэгч Ж.Ганбат албаны бусад төлөөллийн хамтаар хүлээлгэж өгсөн юм. Ийнхүү Монгол Улсын баруун өмнөд хилийн халдашгүй дархан байдлыг сахин хамгаалж байдаг Говь-Алтай аймгийн Алтай суман дахь хилийн цэргийн 0214 дүгээр ангийн үйл ажиллагаа явуулах материаллаг баазыг нэмэгдүүлж, улсын хил орчмын дэглэм сахиулах ажилд дэмжлэг үзүүлэв. 

Э.Нарангэрэл

Санал болгох

Сэтгэгдэл бичих

АНХААРУУЛГА: Уншигчдын бичсэн сэтгэгдэлд www.Govialtai.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!
Бусад

Утга зохиол