Давхар дээлний асуудлаар хэлэлцэх дунд суудлын хуралдаан хойшиллоо

Үндсэн хуулийн цэц өнөөдөр /2021.12.27/ хуралдаж, УИХ-ын гишүүн Ш.Адьшаа, Н.Ганибал нарын гаргасан давхар дээлний асуудлаарх хүсэлтийг дунд суудлаараа хэлэлцэхээр товлоод байсан. Гэвч дунд суудлын хуралдааныг хуульд заасан үндэслэлээр хойшлуулж, товыг дараа зарлахаар шийдвэрлэжээ.

Ингэснээр 2022.01.01-нээс өмнө ҮХЦ уг асуудлаар хуралдах эсэх нь тодорхойгүй болов. Уг маргаан цэц дээр "Үндсэн хууль зөрчсөн” гэж үзэгдэж, УИХ дүгнэлтийг хүлээж авбал Засгийн газар танхимын сайд нараа парламентын гишүүдээс сэлгэн томилох боломж бүрдэх юм.