Сүхбаатар аймгийн МАН-ын хорооны даргыг сонгов

 Есдүгээр сарын 16-нд Сүхбаатар аймгийн МАН-ын хорооны 24 дүгээр бага хурал Баруун-Урт хотноо боллоо. Хурлаар Намын хорооны бүтэц зохион байгуулалтыг шинэчилж, аймгийн намын хорооны шинэ даргаар  БХБ-ын дэд сайд Ш.Лхамсүрэнг олонхийн саналаар сонгов.

Намын хорооны даргад аймгийн Засаг дарга Ж.Эрдэнэбаатар, МАН-ын хорооны дарга З.Энхтөр, БХБ-ын дэд сайд Ш.Лхамсүрэн нар нэр дэвшжээ. Харин  нэр дэвшигч З.Энхтөр өөрийн саналаар нэрээ татахад үлдсэн хоёр нэр дэвшигч өрсөлдөж Ш.Лхамсүрэн нийт төлөөлөгчдийн 82,5 хувийн саналаар МАН-ын Хорооны даргаар сонгогдлоо. Дэд даргаар С.Цэрэндондов сонгогдсон бол намын хорооны 17 тэргүүлэгч гишүүнийг шинэчилж баталжээ.

МАН-ын хорооны дарга асан З.Энхтөр өнгөрсөн  хугацаанд хийсэн ажлын тайлангаа төлөөлөгчдөд танилцуулж, шинээр бүрдсэн баг хамт олонд намынхаа бодлого шийдвэрийг төрийн бүх шатанд хэрэгжүүлж, нэр хүндээ өндөрт өргөж явахыг захисан байна.