Хатгал тосгоны захирагчийн сонгууль ирэх сарын 5-нд болно

Хөвсгөл аймгийн Хатгал тосгоны Захирагчийг сонгох сонгууль дөрвөн жил тутам болдог бөгөөд энэ жил долоо дахь удаагаа ирэх сарын 5-нд болох гэж байна. Сонгуульд Хатгал тосгоны 2200 сонгогч саналаа өгөх юм.

Хатгал тосгон нь анх 1910 онд Хөвсгөл нуурын баруун урд эрэгт хүн ам төвлөрөн суурьшиж харуулын алба байгуулагдсанаар сууриа тавьсан түүхтэй. Хөвсгөл аймгийн Алаг-эрдэнэ суманд харъяалагддаг Хатгал тосгоны иргэд нутгаа сум болох саналаа 2008, 2015 онд Засгийн газарт хүргүүлж байсан юм.