Хүүхдийн эрхийн тухай хуулийн хэрэгжилтэд хөндлөнгийн үнэлгээ хийж байна

“Хүүхдийн эрхийн тухай хуулийн хэрэгжилтийн хөндлөнгийн үнэлгээг Говь-Алтай аймагт нэгдүгээр сарын 05-10-ны хооронд зохион байгуулж байна. Үнэлгээний багийн ахлагчаар "Өсвөр үеийнхний хөгжлийн төв"-ийн гүйцэтгэх захирал Д.Энхтуяа, гишүүдээр "Монгол туургатан хүүхэд, гэр бүл төв"-ийн захирал, хүүхдийн эрхийн форумын судлаач Г.Ганхуяг "Дэлхийн зөн" ОУБ-ын ажилтан Б.Хишигтзаяа нар ажиллаж байна.

Тэд хүүхдийн эрхийн тухай хуулийн хэрэгжилтийн хөндлөнгийн үнэлгээг ганцаарчилсан болон фокус бүлгийн ярилцлага хэлбэрээр зохион байгуулж байгаа юм. Үнэлгээнд Говь-Алтай аймгийн Хүүхдийн төлөө зөвлөл, хамтарсан баг, эцэг эх, бизнесмен, сургууль, цэцэрлэг, боловсрол, эмнэлэг, өрхийн эмнэлэг болон хүүхэд, гэр бүлийн чиглэлээр хамтран ажилладаг байгууллагуудын төлөөллүүд оролцож байна.

Э.Нарангэрэл