Сүхбаатар аймагт Ж.Батсуурь, С.Цэрэндондов нар ИТХ-ын нөхөн сонгуульд өрсөлдөнө

Сүхбаатар аймгийн ИТХ-ын төлөөлөгчийг сонгох нөхөн сонгууль өнөөдөр зохион байгуулагдана. Сүхбаатар аймагт 2016 оны сонгуулийн нийт 33 төлөөлөгчийн 17-г нь Ардчилсан Нам, 16-г нь МАН авсан байдаг. Гэвч Ардчилсан Намын нэг төлөөлөгчийн суудал маргаан дагуулж, эзэнгүй явсаар өнөөдөр нөхөн сонгууль зохион байгуулагдаж байна.

Сүхбаатар аймгийн ИТХ-ын төлөөлөгчийг сонгох нөхөн сонгуульд МАН-аас тус аймгийн намын хорооны дэд дарга С.Цэрэндондов, АН-аас Хэнтийн аймгийн засаг дарга асан Ж.Батсуурь нар нэр дэвшиж байгаа аж. Нэр дэвшигчдийн сонгуулийн сурталчилгаа өнөөдөр эхэлж байгаа бөгөөд ирэх сарын 5-ны өдрийг хүртэл үргэлжлэх юм.

Ингэснээр ирэх сарын 7-ны өдөр Сүхбаатар аймгийн ИТХ-ын төлөөлөгчийг сонгох нөхөн сонгуульд зохион байгуулагдахаар товлогджээ. Нэр дэвшигчдийн хэн нь ялахаас хамаарч, Сүхбаатар аймгийн ИТХ-д АН, МАН-ын олонх болох асуудал шийдэгдэх юм.