Говьсүмбэрт болсон 5.5 магнитудын газар хөдлөлт Улаанбаатарт мэдрэгджээ

Говьсүмбэр аймгийн Баянтал сумаас хойд зүгт 16 километрын зайнд газар хөдлөлт боллоо. Тодруулбал, 2021 оны гуравдугаар сарын 23-ны өдрийн 22 цаг 46 минут 54 секундэд Говьсүмбэр аймгийн Баянтал сумаас хойд зүгт 16 километрын зайнд магнитуд нь 5.5 магнитудын хүчтэй газар хөдлөлт болсныг Одон орон геофизикийн хүрээлэнгээс мэдээлэв. Энэхүү газар хөдлөлтийн чичирхийлэл Улаанбаатар хотод мэдрэгдлээ.

Уг газар хөдлөлтийн тухай АНУ-ын Газар зүйн хүрээлэнгээс мэдээлэхдээ 10 километрын гүнд 4.7 магнитуд хүчээр хөдөлсөн хэмээн бүртгэжээ.